Produktet e përpunuara
Sektori i frutave dhe perimeve të përpunuara në Kosovë po lulëzon, duke ofruar një gamë të produkteve të bëra me përbërës të freskët, me burim vendas. Nga reçelet dhe lëngjet e frutave deri te perimet turshi dhe salcat, këto produkte pasqyrojnë përkushtimin e Kosovës ndaj cilësisë dhe traditës. Duke përdorur teknika të avancuara të përpunimit, prodhuesit vendas sjellin shijen autentike të produkteve të Kosovës në tregun vendor dhe ndërkombëtar, duke siguruar që shijet e freskëta të jenë të disponueshme gjatë gjithë vitit.
AGROB2B – Dritarja juaj e produkteve autentike nga Kosova
Sektori bujqësor në Kosovë përbën një shtyllë të rëndësishme të ekonomisë sonë, duke ofruar produkte me cilësi të lartë dhe me potencial për eksport, si: bimët mjekësore dhe aromatike (BMA) dhe produktet pyjore jo-drusore (PPJD) me certifikim organik, pemët e imta, si dhe produktet e përpunuara nga frutat dhe perimet.Kjo platformë synon të promovojë dhe lidhë prodhuesit vendor, vecanërisht agrobizneset e vogla dhe të mesme duke përfshirë gratë ndërmarrëse në bujqësi, drejtpërdrejt me blerës vendorë dhe ndërkombëtarë. Bashkohuni me platformën AGROB2B për të thjeshtuar udhëtimin tuaj në bujqësi dhe për t'u lidhur me partnerë të besueshëm në Kosovë!
Sektori i frutave dhe perimeve të përpunuara në Kosovë po lulëzon, duke ofruar një gamë të produkteve të bëra me përbërës të freskët, me burim vendas. Nga reçelet dhe lëngjet e frutave deri te perimet turshi dhe salcat, këto produkte pasqyrojnë përkushtimin e Kosovës ndaj cilësisë dhe traditës. Duke përdorur teknika të avancuara të përpunimit, prodhuesit vendas sjellin shijen autentike të produkteve të Kosovës në tregun vendor dhe ndërkombëtar, duke siguruar që shijet e freskëta të jenë të disponueshme gjatë gjithë vitit.
Klima e favorshme dhe kushtet e përshtatshme agroekologjike e bëjnë Kosovën ideale për kultivimin e mjedrës së cilësisë së lartë. Mjedra e Kosovës dallohet për shijen e pasur, aromën karakteristike dhe ngjyrën e gjallë, duke e bërë atë të kërkuar si në tregun vendor ashtu edhe në tregjet ndërkombëtare. Kultivimi i saj realizohet kryesisht nga prodhues të vegjël dhe të mesëm, të cilët i kushtojnë vëmendje të veçantë standardeve të cilësisë dhe praktikave të qëndrueshme bujqësore. Sektori i mjedrës në Kosovë është në rritje të vazhdueshme, duke fituar një reputacion pozitiv për cilësinë dhe pastërtinë natyrore të produktit. Kjo ka mundësuar që mjedra e Kosovës të pozicionohet gjithnjë e më mirë në tregjet e eksportit, duke përmbushur kërkesën në rritje për produkte të freskëta, të shëndetshme dhe me origjinë të kontrolluar.
Kushtet e favorshme ekologjike dhe gjeografike të Kosovës kanë mundësuar zhvillimin e një flore të pasur, përfshirë bimët mjekësore dhe aromatike (BMA) dhe produktet pyjore jo-drusore (PPJD). Këto burime natyrore përbëjnë një pasuri të madhe ekologjike dhe ekonomike për vendin, duke pasur rëndësi të veçantë për zhvillimin rural dhe ruajtjen e biodiversitetit. Kosova ka një traditë të gjatë në grumbullimin e këtyre produkteve, dhe sot renditet ndër vendet kryesore në botë për grumbullim organik. Aktivitetet si grumbullimi dhe kultivimi i këtyre produkteve ofrojnë mundësi punësimi për komunitetet rurale dhe ndihmojnë në ruajtjen e praktikave tradicionale. Duke zbatuar parimet e bujqësisë organike, këto aktivitete kontribuojnë në mbrojtjen e mjedisit, shëndetit dhe mirëqenies së njerëzve dhe kafshëve. Ndër produktet më të njohura janë kërpudhat, erëzat, si dhe bimë të ndryshme mjekësore me vlerë të lartë ekonomike.
Gratë në bujqësi kanë qenë përherë shtylla të forta të jetës rurale në Kosovë, duke kultivuar jo vetëm tokën, por edhe qëndrueshmërinë e komuniteteve të tyre. Me përkushtim, dije dhe vizion, ato kanë kaluar nga roli tradicional i ndihmës familjare në rolin e ndërmarrëseve aktive në sektorin bujqësor komercial, duke e parë bujqësinë si zgjedhje të tyre të parë. Përkundër sfidave, gratë e Kosovës përmes përfshirjes në bujqësi, po ndërtojnë një të ardhme të barabartë dhe të qëndrueshme për bujqësinë kosovare.
