image image

Rreth Nesh

image

Përmbledhje dhe Objektivat e Platformës

Agro B2B është një platformë e krijuar për të lehtësuar bashkëpunimin midis kompanive vendore me blerës lokal dhe ndërkombëtar dhe për të rritur mundësitë e bashkëpunimit në sektorin bujqësor. Nëse jeni një prodhues lokal që dëshironi të zgjeroni aktivitetin tuaj ose një blerës ndërkombëtar që kërkon produkte cilësore, platforma jonë është lidhja juaj me më të mirat që ofron Kosova.

Kjo platformë ofron një gamë të gjerë mundësish për bizneset dhe blerësit ndërkombëtarë, duke përfshirë:

  • Të gjitha të dhënat e rëndësishme për kompanitë vendore janë të disponueshme në një vend.
  • Platforma inkurajon partneritetet ndërmjet kompanive vendore me blerës lokal dhe ndërkombëtar, duke ndihmuar në rritjen e qasjes në tregje të reja.
  • Regjistrimi i kompanive në platformën AGRO B2B do të bëhet vetëm pas aprovimit nga stafi i AgroDev, duke garantuar kështu cilësinë e shërbimeve të platformës
  • Shihni një gamë të gjerë produktesh bujqësore që ofrojnë kompanitë tona.
  • Keni qasje në një regjistër gjithëpërfshirës të kompanive vendore, me profile të detajuara, informacione kontakti, forma produktesh, detaje certifikimi, të cilësisë, paketimeve dhe sezonalitetin e produkteve.
  • Gjeni pikërisht atë që ju nevojitet duke përdorur metodat e avancuara të kërkimit dhe filtrimit të platformës.

Përmes platformës AGROB2B promovohen një gamë e gjerë produktesh bujqësore të certifikuara dhe me cilesi të lartë duke perfshirë:

  • Bimë mjekësore dhe aromatike
  • Produkte pyjore jodrusore
  • Pemë të imëta dhe
  • Produkte të përpunuara nga pemët dhe perimet

Produktet e përpunuara

Sektori i frutave dhe perimeve të përpunuara në Kosovë po lulëzon, duke ofruar një gamë të produkteve të bëra me përbërës të freskët, me burim vendas. Nga reçelet dhe lëngjet e frutave deri te perimet turshi dhe salcat, këto produkte pasqyrojnë përkushtimin e Kosovës ndaj cilësisë dhe traditës. Duke përdorur teknika të avancuara të përpunimit, prodhuesit vendas sjellin shijen autentike të produkteve të Kosovës në tregun vendor dhe ndërkombëtar, duke siguruar që shijet e freskëta të jenë të disponueshme gjatë gjithë vitit.
image
image

Pemët e imta

Klima e favorshme dhe kushtet e përshtatshme agroekologjike e bëjnë Kosovën ideale për kultivimin e mjedrës së cilësisë së lartë. Mjedra e Kosovës dallohet për shijen e pasur, aromën karakteristike dhe ngjyrën e gjallë, duke e bërë atë të kërkuar si në tregun vendor ashtu edhe në tregjet ndërkombëtare. Kultivimi i saj realizohet kryesisht nga prodhues të vegjël dhe të mesëm, të cilët i kushtojnë vëmendje të veçantë standardeve të cilësisë dhe praktikave të qëndrueshme bujqësore. Sektori i mjedrës në Kosovë është në rritje të vazhdueshme, duke fituar një reputacion pozitiv për cilësinë dhe pastërtinë natyrore të produktit. Kjo ka mundësuar që mjedra e Kosovës të pozicionohet gjithnjë e më mirë në tregjet e eksportit, duke përmbushur kërkesën në rritje për produkte të freskëta, të shëndetshme dhe me origjinë të kontrolluar.

BMA-PPJD

Kushtet e favorshme ekologjike dhe gjeografike të Kosovës kanë mundësuar zhvillimin e një flore të pasur, përfshirë bimët mjekësore dhe aromatike (BMA) dhe produktet pyjore jo-drusore (PPJD). Këto burime natyrore përbëjnë një pasuri të madhe ekologjike dhe ekonomike për vendin, duke pasur rëndësi të veçantë për zhvillimin rural dhe ruajtjen e biodiversitetit. Kosova ka një traditë të gjatë në grumbullimin e këtyre produkteve, dhe sot renditet ndër vendet kryesore në botë për grumbullim organik. Aktivitetet si grumbullimi dhe kultivimi i këtyre produkteve ofrojnë mundësi punësimi për komunitetet rurale dhe ndihmojnë në ruajtjen e praktikave tradicionale. Duke zbatuar parimet e bujqësisë organike, këto aktivitete kontribuojnë në mbrojtjen e mjedisit, shëndetit dhe mirëqenies së njerëzve dhe kafshëve. Ndër produktet më të njohura janë kërpudhat, erëzat, si dhe bimë të ndryshme mjekësore me vlerë të lartë ekonomike.
image

Partnerët

image