Kompanitë

Kralin Group është një kompani prodhuese e themeluar në Kosovë, e specializuar në përpunimin dhe paketimin e frutave të thata. Duke u mbështetur në standarde moderne të prodhimit dhe teknologji bashkëkohore, kompania ka ndërtuar një reputacion të qëndrueshëm në treg, të bazuar në cilësi të lartë, siguri ushqimore dhe inovacion të vazhdueshëm. Përkushtimi ndaj standardeve ndërkombëtare dhe kërkesave të tregut e pozicionon Kralin Group si një aktor të besueshëm në sektorin e agro-përpunimit.

BioRrita është një kompani e themeluar në vitin 2022, e cila vepron në fushën e kultivimit të bimëve mjekësore dhe aromatike (BMA), si dhe në përpunimin e tyre në produkte natyrale me vlerë të shtuar. Aktiviteti i kompanisë përfshin prodhimin e vajrave natyralë, sapunëve dhe kremrave, duke u bazuar në praktika të qëndrueshme dhe cilësi të lartë të lëndës së parë. Pronarja e BioRrita-s ka përvojë shumëvjeçare në kultivimin e bimëve mjekësore dhe aromatike, ndërsa në vitin 2022 ka zgjeruar aktivitetin e saj duke filluar përpunimin e tyre dhe operimin formal si biznes. BioRrita synon të ofrojë produkte natyrale, të sigurta dhe cilësore, duke kontribuar në zhvillimin e bujqësisë së qëndrueshme dhe promovimin e produkteve vendore.

BOTANIC është një kompani vendore e certifikuar organike që promovon praktikat e bujqësisë rigjenerative në Kosovë, me fokus në sektorin e përpunimit të ushqimit. Kompania aktualisht operon me markën “Into the Wild”, e cila deri më tani përfshin 10 lloje çajrash organikë të përgatitur nga fruta të egra dhe bimë mjekësore/aromatike, si dhe kërpudha të egra të llojit Boletus, të kultivuara dhe të mbledhura nga malet dhe natyra e Kosovës. BOTANIC synon të ofrojë produkte të shëndetshme, pa mbetje kimike, duke reduktuar njëkohësisht gjurmën e karbonit në bujqësi dhe në konsumin e ushqimit.

Nerxhivane Haziri është një kompani përpunuese e themeluar në vitin 2016, e specializuar në përpunimin e perimeve të freskëta me metoda tradicionale dhe natyrale. Kompania është e njohur për ruajtjen e shijes autentike të produkteve vendore dhe përkushtimin ndaj cilësisë në çdo hap të procesit të prodhimit. Ndër produktet kryesore të kompanisë janë: ajvari, turshitë e përziera, specat e mbushur, specat e pjekur dhe produkte të tjera të konservuara, të përgatitura nga perime të freskëta të përzgjedhura me kujdes nga bujqësia vendore. Me qëllim ruajtjen e trashëgimisë ushqimore tradicionale dhe ofrimin e produkteve të shëndetshme dhe të sigurta për konsumatorin, Nerxhivane Haziri vazhdon të zhvillojë aktivitetin e saj duke u bazuar në cilësi, besueshmëri dhe respekt për natyrën.

Pelini`s është një kompani e përkushtuar në përpunimin e frutave arrore, duke u mbështetur në përvojën dhe ekspertizën e tyre për të ofruar një gamë të gjerë produktesh të shëndetshme. Ndër produktet kryesore të kompanisë janë gjalpi i kikirikut dhe gjalpi i lajthisë, të cilët prodhohen me kujdes për të ruajtur cilësinë dhe vlerat ushqyese të përbërësve natyralë. Përveç kësaj, Pelini ka zgjeruar veprimtarinë edhe në prodhimin e vajit të farës së zezë, një produkt i njohur për vetitë e tij të fuqishme ushqyese dhe përfitimet shëndetësore. Me një përkushtim të thellë ndaj cilësisë, kompania synon të sjellë produkte të shëndetshme dhe të dobishme për tregun. Duke ruajtur traditën dhe autenticitetin në përpunimin e produkteve, Pelini i përshtatet gjithashtu standardeve të tregut modern dhe kërkesave për siguri ushqimore.

Pestova është një ndër kompanitë më të njohura agroindustriale në Kosovë, e themeluar në vitin 1991 me seli në komunën e Vushtrrisë. Kompania është e specializuar në kultivimin, përpunimin dhe paketimin e patates, si dhe prodhimin e produkteve të saj të derivuara, përfshirë patatet e skuqura të gatshme për konsum nën markën e njohur "Vipa Chips". Me një kombinim të teknologjisë moderne dhe përvojës lokale, Pestova ka ndërtuar një sistem të integruar prodhimi, duke kontrolluar të gjitha fazat – nga fara e deri te produkti final. Kompania bashkëpunon me qindra fermerë vendorë për të siguruar lëndë të parë cilësore, duke ndikuar në zhvillimin e bujqësisë dhe ekonomisë rurale në Kosovë. Pestova është e certifikuar me standarde ndërkombëtare si Global GAP, ISO 22000 dhe HACCP, që garantojnë siguri ushqimore dhe cilësi të lartë për tregun vendor dhe atë ndërkombëtar. Sot, Pestova përfaqëson një histori suksesi në industrinë agro-ushqimore në Kosovë dhe një model për zhvillim të qëndrueshëm dhe inovacion në sektorin e bujqësisë.

Sofra, e themeluar në vitin 2012, është një kompani e përpunimit të ushqimit me fokus në prodhimin dhe konservimin e produkteve tradicionale shqiptare, duke kombinuar recetat autentike me teknologjitë moderne të përpunimit. Me një përvojë mbi një dekadë, kompania është pozicionuar si një nga prodhuesit e besueshëm në tregun lokal dhe rajonal. Produktet e Sofra-s përfshijnë ajvarin, turshitë e përziera, specat e mbushur me djathë, reçelrat e ndryshme, dhe produkte të tjera të konservuara nga pemët dhe perimet e freskëta vendore. Kompania bashkëpunon me fermerë lokalë për të siguruar lëndë të parë cilësore, duke mbështetur kështu edhe zhvillimin rural.

Miradije Kabashi B.I. është një biznes i pavarur i themeluar në vitin 2015, i specializuar në përpunimin dhe konservimin e pemëve dhe perimeve. Biznesi operon në mënyrë artizanale dhe përdor receta tradicionale për të ruajtur shijen dhe cilësinë natyrale të produkteve vendore. Fokus kryesor i kompanisë është përpunimi i frutave të stinës në formën e reçelrave, kompotëve, turshive dhe produkteve të tjera natyrale pa aditivë artificialë. Falë përkushtimit dhe punës cilësore, produktet e Miradije Kabashi B.I. janë vlerësuar nga konsumatorët për shijen autentike dhe natyrale, duke e bërë këtë biznes një shembull të mirë të ndërmarrjeve të vogla që ruajnë dhe promovojnë trashëgiminë ushqimore të Kosovës.

Ajsere Qerimi B.I është një kompani përpunuese e themeluar me pasionin për ushqimin tradicional dhe të shëndetshëm, e specializuar në prodhimin e ajvarit cilësor, një nga produktet më të njohura dhe të dashura të kuzhinës ballkanike. Me përkushtim ndaj cilësisë dhe ruajtjes së traditës, kompania ka krijuar një emër të respektuar në tregun vendor dhe është në rritje të vazhdueshme. Procesi i prodhimit të ajvarit zhvillohet sipas metodave tradicionale, ku çdo hap – nga përzgjedhja e specave të kuq të freskët, pjekja, qëruarja, grirja dhe zierja – bëhet me kujdes dhe përkushtim të veçantë. Të gjithë përbërësit janë natyralë, pa shtesa artificiale apo konservues, duke siguruar një produkt të sigurt, të shëndetshëm dhe me shije autentike.

Vicianum GreenFarm është një markë e re që ofron produkte ushqimore natyrale, të kultivuara dhe të përpunuara në Kosovë. Të përkushtuar për të sjellë produkte të freskëta dhe cilësore, duke përdorur metoda të qëndrueshme dhe natyrale për të garantuar shije autentike dhe vlera ushqyese.

Koperativa Bujqësore Nektar është një kompani përpunuese e perimeve e vendosur në Mamushe, që fokusohet në prodhimin dhe përpunimin e produkteve bujqësore të cilësisë së lartë. Ajo angazhohet për mbështetje të fermerëve lokalë dhe përpunimin e perimeve për t'i ofruar tregut produkte të freskëta dhe të shëndetshme. Kompania kontribuon në zhvillimin ekonomik të rajonit dhe promovon përdorimin e teknologjive moderne në bujqësi dhe përpunim.

Ask Foods është një kompani e njohur për modelin e saj të prodhimit dhe përpunimit të produkteve bujqësore. Me një sipërfaqe prej 200 hektarësh të mbjella me pemë të ndryshme dhe një staf prej 157 punonjësish të përhershëm, si dhe rreth 500 fermerë sezonalë, Ask Foods ka arritur të eksportojë produkte të saj në vende si Kroacia, Gjermania, SHBA, Zvicra dhe të tjera. Kompania është e njohur për cilësinë e produkteve të saj dhe përkushtimin ndaj standardeve ndërkombëtare të prodhimit. Receta e Gjyshes është një shije e traditës, një majë nostalgjie dhe shumë dashuri. Me produktet e gjyshes, çdokush mund të jetë ekspert i kuzhinës. Në kopshtin e traditës, ne korrim jo vetëm shije të shijshme, por edhe farat e një jete të shëndetshme dhe të gjallë.

Green Food është një kompani e themeluar në vitin 2009, e cila vepron në sektorin e përpunimit të perimeve dhe pemëve. Kompania është e specializuar në përpunimin dhe konservimin e produkteve bujqësore me origjinë vendore, duke ofruar një gamë të gjerë produktesh që përfshijnë turshi të ndryshme, produkte të sterilizuara dhe të pasterizuara, si dhe reçelra dhe salca natyrale Produkti i përbashkët i të gjitha linjave është cilësia e lartë, përbërësit natyralë dhe mungesa e aditivëve artificialë. Green Food përdor metoda moderne të përpunimit dhe paketimit për të ruajtur freskinë, aromën dhe vlerat ushqyese të çdo produkti. Me përkushtim ndaj cilësisë dhe qëndrueshmërisë, Green Food ka ndërtuar një reputacion si një ndër përpunuesit më të besueshëm në treg, duke ofruar produkte të sigurta dhe të shijshme për konsumatorët vendas dhe potencialisht edhe për tregjet ndërkombëtare.

Agro Gollaku është një kompani e specializuar në përpunimin e perimeve dhe prodhimin e xhemave, e cila ofron produkte të cilësisë së lartë duke përdorur përbërës natyralë dhe teknika moderne për të siguruar një shije të freskët dhe autentike. Me një përkushtim të veçantë ndaj cilësisë dhe inovacionit, Agro Gollaku synon të sjellë në tryezën e konsumatorëve produkte që ruajnë vlerat ushqyese dhe shijen origjinale të përbërësve të tyre.

“ABI” Progres është një nga kompanitë më të rëndësishme në industrinë e përpunimit të pemëve dhe perimeve në Kosovë, e themeluar në vitin 2001 përmes një partneriteti me kompaninë “ELIF 19” dhe privatizimit të ish-fabrikës “Progres” në Prizren. Zhvillimi i jashtëzakonshëm që nga themelimi është rezultat i përkushtimit, profesionalizmit dhe punës së palodhshme të ekipit menaxhues dhe punëtorëve. Kompania operon në një sipërfaqe prej 10,000 m² të mbyllur dhe 85,000 m² të hapur, me kapacitet përpunimi prej 9,000 ton në vit dhe kapacitet ngrirjeje deri në 5,000 ton, duke ofruar mbi 70 lloje produktesh si ajvar, turshi, salca, marmelata, fletë hardhie, gjyveç dhe shumë të tjera. “ABI” Progres ka ndërtuar një rrjet të qëndrueshëm bashkëpunimi me fermerët lokalë, duke grumbulluar produkte vendore dhe duke ndihmuar në zhvillimin e bujqësisë në vend, veçanërisht gjatë krizave si pandemia COVID-19. Kompania ka përfaqësuar Kosovën në panaire ndërkombëtare si Grüne Woche në Gjermani dhe PLMA në Amsterdam, duke promovuar produktet e saj dhe krijuar lidhje të rëndësishme tregtare. Me certifikime ndërkombëtare si ISO 9001, ISO 10002 dhe GMP, “ABI” Progres garanton cilësi të lartë, siguri ushqimore dhe kënaqësi për konsumatorin, duke e forcuar pozitën e saj si lider në sektorin agro-përpunues në vend dhe në rajon.

LB GROUP është kompani lidere në furnizimin me lëndë të para për pastiçeri, akullore dhe furra buke, duke ofruar zgjidhje të besueshme dhe cilësore për industrinë ushqimore. Me një gamë të gjerë produktesh të certifikuara dhe të përzgjedhura me kujdes, LB GROUP u mundëson bizneseve të krijojnë shije të veçanta, cilësi të qëndrueshme dhe produkte gjithmonë të freskëta për konsumatorët e tyre.

“FLOTA” SHPK është një kompani vendore me përvojë të gjatë dhe përkushtim të veçantë në përpunimin e perimeve, duke mbuluar të gjithë zinxhirin e vlerës – nga zgjedhja e farës së cilësisë së lartë, kultivimi, vjelja e kujdesshme, e deri te përpunimi dhe distribuimi i produkteve të gatshme. Me një qasje të integruar dhe të qëndrueshme, kompania siguron që çdo hap i prodhimit të zhvillohet sipas standardeve më të avancuara të sigurisë ushqimore dhe të kontrollit të cilësisë. Produktet tona janë rezultat i një tradite të trashëguar ndër breza, të pasuruar me përkushtim, dashuri për tokën dhe përpunim artizanal që ruan shijen autentike të kuzhinës sonë. “FLOTA” është më shumë se një prodhues – është një histori suksesi që bashkon përvojën, inovacionin dhe trashëgiminë kulturore

KB Krusha (Kooperativa Bujqësore Krusha) është themeluar pas luftës në Kosovë, në vitin 2005, në fshatin Krusha e Madhe, Komuna e Rahovecit. Ajo është iniciuar nga një grup grash të mbijetuara nga masakra e luftës, të cilat vendosën të marrin fatin në duart e tyre duke filluar një biznes që kontribuon në ekonominë lokale dhe në fuqizimin e grave. KB Krusha është e specializuar në përpunimin e perimeve, kryesisht: Speca të mbushur me djathë apo me lakër, Ajvar tradicional, Turshi të ndryshme, Sos domate, lëng domateje, dhe salca të tjera, produkte të konservuara si specat e pjekur dhe të prerë në vaj. Produktet e tyre përpunohen në mënyrë artizanale, duke ruajtur recetat tradicionale dhe përdorur përbërës 100% natyralë, pa konservues apo aditivë artificialë. KB Krusha ka arritur të zgjerojë tregun e saj përtej Kosovës, duke eksportuar në vendet e Bashkimit Evropian, Shtetet e Bashkuara të Amerikës dhe vende të tjera. Kjo e bën atë një model të suksesshëm për ndërmarrjet e vogla dhe të mesme në sektorin agro-ushqimor. Një nga aspektet më të rëndësishme të KB Krusha është fakti që: Rreth 90% e punëtorëve janë gra, shumica prej tyre të veja të luftës. Kompania luan një rol të rëndësishëm në zhvillimin ekonomik rural dhe përfshirjen sociale të grave në Krushë dhe rrethinë. KB Krusha ka përfituar mbështetje nga organizata ndërkombëtare si: USAID, EU-funded programe, Caritas Switzerland, Swisscontact. Këto mbështetje kanë ndihmuar në rritjen e kapaciteteve përpunuese, certifikimin e produkteve (p.sh. HACCP, ISO) dhe promovimin në tregje të reja.

AGRO KRUSHA është një kompani e themeluar në vitin 2017, që vepron në industrinë e përpunimit dhe konservimit të pemëve dhe perimeve. E njohur për cilësinë dhe shijen tradicionale të produkteve të saj, kompania ka ndërtuar një reputacion të fortë si një nga prodhuesit më të suksesshëm të turshive në Kosovë. AGRO KRUSHA përpunon një gamë të gjerë produktesh të konservuara si: sallata të ndryshme turshi, kurtovska me hudhër, somborka, ajvar i ëmbël dhe djegës, si dhe produkte të tjera të përgatitura sipas recetave tradicionale. Kompania përkushtohet ndaj cilësisë, duke përdorur përbërës të freskët nga bujqësia vendore dhe metoda moderne të përpunimit që ruajnë vlerat ushqyese dhe shijen autentike të produkteve.

Tradita Jonë është një kompani e themeluar në vitin 2014, e specializuar në përpunimin dhe konservimin e pemëve dhe perimeve. Me përkushtim ndaj cilësisë dhe ruajtjes së recetave tradicionale, kompania ofron produkte të përgatitura me përbërës natyralë dhe pa aditivë artificialë. Kompania përpunon një gamë të gjerë produktesh të sezonit si reçelra, kompotë, turshi duke i sjellë konsumatorëve shijen autentike të prodhimeve vendore. Tradita Jonë bashkon teknologjinë moderne me trashëgiminë ushqimore për të siguruar cilësi të lartë dhe vlera ushqyese në çdo produkt.