Kompanitë

TERRA FOODS është kompani e themeluar në vitin 2013 ndërsa me përpunimin e perimeve ka filluar të punojë nga viti 2022. Ështe një biznes familjar i cili merret me kultivimin dhe përpunimin e perimeve. Kompania se fundmi ka investuar ne pajisje të përpunimit dhe ka siguruar kapacitet prodhues të lartë si dhe furnizim të qëndrueshem të produkteve me cilësi të lartë gjatë gjithë vitit.

AMG Ketchup është një kompani e themeluar në vitin 2014, e cila ka arritur të zgjerojë aktivitetin e saj në gjithë territorin e Kosovës dhe të pozicionohet si lider në prodhimin e ketchup-it dhe majonezit në tregun vendor. Suksesi i kompanisë është ndërtuar mbi parimin e cilësisë së lartë dhe përkushtimit ndaj standardeve më të mira të prodhimit. Kompania ofron një gamë të larmishme produktesh që përfshijnë ketchup të trashë dhe të butë, majonezë me teksturë kremoze, si dhe lloje të ndryshme të senfit. Së fundmi, AMG Ketchup ka zgjeruar portofolin e saj edhe me përpunimin e feferonëve, duke pasuruar kështu ofertën për konsumatorët që kërkojnë produkte me shije intensive dhe natyrale. Pajisjet moderne të prodhimit, kontrolli i rreptë i cilësisë në çdo fazë të procesit dhe përzgjedhja e përbërësve të freskët janë faktorët kyç që e bëjnë AMG Ketchup një emër të besueshëm në industrinë ushqimore. Me përkushtim të vazhdueshëm për inovacion dhe kënaqësinë e konsumatorëve, kompania synon të zgjerojë më tej praninë e saj në tregjet ndërkombëtare.

Apetiti Krushë është një kompani e themeluar në vitin 2004, e specializuar në përpunimin dhe konservimin e perimeve, duke përdorur teknologji moderne për të garantuar cilësi të lartë dhe freski të produkteve. E vendosur në një rajon me traditë bujqësore të zhvilluar, kompania përpunon perime të freskëta vendore të kultivuara me kujdes nga fermerët e zonës. Me një gamë të gjerë produktesh të konservuara – përfshirë speca, tranguj, turshi të ndryshme dhe produkte të tjera natyrale – Apetiti Krushë siguron ruajtjen e shijes, aromës dhe vlerave ushqyese të perimeve për konsum gjatë gjithë vitit. Kompania zbaton praktika të mira të prodhimit dhe standarde bashkëkohore të sigurisë ushqimore, duke u bërë një partner i besueshëm për tregun vendor dhe potencialisht për tregjet ndërkombëtare.

LOEL është një kompani vendore e specializuar në përpunimin dhe konservimin e perimeve, e themeluar në vitin 2016 dhe që funksionon si një biznes familjar me bazë në Kosovë. E ndërtuar mbi vlera të trashëguara dhe përkushtim të sinqertë ndaj cilësisë, LOEL ka zhvilluar një reputacion të qëndrueshëm në sektorin agro-ushqimor. Fillimisht, aktiviteti i kompanisë u përqendrua në konservimin e specave të llojit somborkë, një produkt tradicional shumë i dashur në tryezat kosovare. Falë suksesit dhe kërkesës në rritje, LOEL ka zgjeruar gamën e saj të produkteve, duke përfshirë edhe perime të tjera të stinës, të përpunuara me kujdes dhe me standarde të larta të higjienës dhe cilësisë. Çdo produkt i LOEL-it reflekton një kombinim të recetave tradicionale dhe teknologjisë moderne të përpunimit, duke garantuar shije autentike, ruajtje të vlerave ushqyese, dhe një përvojë të veçantë për konsumatorin. Kompania synon të fuqizojë bujqësinë vendore, duke bashkëpunuar me fermerë lokalë për sigurimin e lëndës së parë të freskët, si dhe të zgjerohet në tregjet vendore dhe rajonale, duke mbajtur në qendër cilësinë, qëndrueshmërinë dhe besimin e klientit.

Kompania “Ananas” filloi punën qysh në vitin 1930, për t’u shndërruar në një ndërmarrje të kultivimit dhe prodhimit të specit të kuq në vitin 1975. Në fillim tharja është bërë në furra të thjeshta, pastaj bluarja, dhe në fund produkti përfundimtar është futur në paketime të thjeshta, ndërsa transporti dhe shitja janë bërë në të gjitha tregjet e Kosovës por edhe më gjerë në rajon. Prodhimet e Ananas Impex janë produkt i tokës sonë pjellore. Ne jemi përkujdesur që produkteve që i vjelim t’ua shtojmë akoma edhe më shumë vlerën. Gjithçka filloi me biberin e kuq, që është produkt lider në tregun tonë dhe më gjerë për t’u inkurajuar në vazhdim që t’i qasemi produkteve me bazë bimore të cilat janë kryefjala e kuzhinës sonë. Jemi një kompani që fokusohet kryesisht në kultivimin dhe prodhimin e barishteve, erëzave, supave dhe perimeve të thara. Brendet tona gjejnë rrugën e tyre në marketet më të njohura të vendit dhe jashtë tij, ndërsa klientët tanë vijnë në mënyra të ndryshme - prej individëve që porosisin me kile, deri te restorantet, dyqanet ushqimore dhe ata që punojnë me shumicë. Jemi krenarë që ofrojmë produkte cilësore dhe të freskëta, duke përshtatur nevojat e klientëve tanë dhe duke sjellë shijen unike të natyrës në tavolinën e tyre.

Fruton është e angazhuar në prodhimin e një gamë të gjerë produktesh që i përmbahen standardeve më të larta të cilësisë dhe proceseve rigoroze. Linja tyre aktuale e produkteve pasqyron përkushtimin ndaj ekselencës.